KURQANLARIN TƏDQİQİNƏ BAŞLANMIŞDIR
AZƏRTAC xəbər verir ki, Goranboyda qədim kurqanların araşdırılmasına başlanmışdır. Tədqiqat işləri Prezident İlham Əliyevin Azərbaycanda arxeologiya elminin inkişafına dair müvafiq Sərəncamı çərçivəsində aparılır.
Arxeoloqlar araşdırma işlərinə rayonun Səfıkürd kəndi yaxınlığındakı yaşı 3 min ildən çox olduğu ehtimal edilən «Yeddi qardaş» adlanan kurqandan başlamışlar. İlk və son tunc dövrlərinə aid olan kurqanların diametri 30-50 metr, hündürlüyü isə 5-10 metrdir. Qazıntı və tədqiqat işlərinin bir ay ərzində başa çatdırılması nəzərdə tutulur. Alimlər hesab edirlər ki, araşdırmalar nəticəsində qədim Azərbaycan tarixini əks etdirən qiymətli tapıntılar əldə etmək mümkün olacaqdır.
Bölmənin digər xəbərləri
