KVEMO KARTLİ – BORCALI BÖLGƏSİ QUBERNATORUNUN YENİ MÜAVİNİ
Yeni təyin olunan qubernator Zurab Kobiaşvili bu günlərdə müavinlərini təyin etmişdir. Bölgə rəhbərinin hələlik bir nəfər azərbaycanlı müavini var. Gürcüstan ali qanunverici orqanının deputatı, soydaşlarımızı parlamentdə layiqincə təmsil edən və ermənilərin qondarma soyqırımı ilə bağlı söhbətlərinə daim əsaslı və sanballı cavablar verən Azər Süleymanov bu günlərdə qubernatorun müavini təyin olunmuşdur. O, həmin vəzifədə Əli Yüzbaşovu əvəz etmişdir.
Zurab Kobiaşvili müxbirimizlə söhbətində bildirmişdir ki, bölgədəki azərbaycanlı əhalinin çoxluq təşkil etdiyi və diyarın təsərrüfat həyatının dirçəldilməsində onların müstəsna xidmətlərini nəzərə alaraq Kvemo Kartli - Borçalı qubernatorunun daha bir azərbaycanlı müavini təyin olunacaqdır.
Bölmənin digər xəbərləri
