Latviya Seyminin sədri: Regionda Azərbaycanın sülh səylərini yüksək qiymətləndiririk
Bakı, 20 may, Səadət Hakıyeva, AZƏRTAC
Regionda sülh və sabitliyin təmin olunması istiqamətində Azərbaycanın səylərini yüksək qiymətləndiririk.
Bunu ölkəmizdə səfərdə olan Latviya Seyminin sədri xanım Dayqa Mierina mayın 20-də keçirilən mətbuat konfransında AZƏRTAC-ın sualını cavablandırarkən deyib.
Azərbaycan xalqını və dövlətini Qarabağ Zəfəri münasibətilə təbrik edən Latviya Seyminin sədri əlavə edib: “Düşünürəm ki, beynəlxalq ictimaiyyətin nümayəndələrinin işğaldan azad edilmiş ərazilərə səfərləri Azərbaycan həqiqətlərinin dünyaya çatdırılmasında mühüm rol oynayır”.
Dayqa Mierina Şuşada və Füzulidə aparılan bərpa-quruculuq işlərinin səviyyəsindən məmnun qaldığını bildirib.
Bölmənin digər xəbərləri
