Latviyada hakim koalisiya prezident seçkilərinə tək namizədlə qatılmağı planlaşdırır
Riqa, 3 aprel, AZƏRTAC
Latviyanın hakim koalisiyası prezident seçkilərinə tək namizədlə - Avropa Şurasının hakimi, Latviya Konstitusiyasının giriş sözünün müəllifi olan Eqil Levitslə qatılmağa hazırlaşır.
AZƏRTAC xəbər verir ki, E.Levitsin namizədliyini parlamentdəki üç partiya artıq təsdiqləyib. Digər partiya "Yeni Birlik" isə öz namizədinin adını gələn həftə açıqlayacaq. Lakin partiya liderləri Levitslə də görüşməyə qərar veriblər ki, bu da onların bu seçimə qoşulacaqlarını göstərir.
Latviyanın Baş naziri Krişyans Karinş ümidvar olduğunu bildirib ki, partiyalar aprelin 15-dək öz seçimlərini edəcəklər.
Qeyd edək ki, hazırkı prezident Raymond Veyonisin səlahiyyət müddəti 2020-ci ildə başa çatacaq. O, bu posta namizədliyini yenidən irəli sürəcəyini açıqlayıb.
Aygün Əliyeva
AZƏRTAC-ın xüsusi müxbiri
Riqa
Bölmənin digər xəbərləri
