LATVİYADA ORDUYA ÇAĞIRILMIŞ GƏNCLƏRİN 84 FAİZİ HƏRBİ XİDMƏTƏ YARARSIZ SAYILMIŞDIR

11.01.2006 [13:58]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, ötən il Latviyada orduya çağırılmış gənclərin 84 faizi hərbi xidmətə yararsız sayılmışdır. Bunu jurnalistlərə hərbi xidmətə çağırış mərkəzindən bildirmişlər. Lakin Latviya Silahlı Qüvvələrində əsgər çatışmazlığı hiss olunmayacaqdır. Belə ki, bu ildən ölkə peşəkar ordu sisteminə keçmişdir. Son çağırış 2005-ci ilin noyabrında olmuşdur.

Ötən il tibb komissiyası 6,5 min çağırışçını müayinədən keçirmiş, onların təxminən 5,5 min nəfəri yararsız sayılmışdır. Onların da yarısı psixi xəstəliklər və inkişafdan geri qalması üzündən yararsız hesab edilmişdir. Ölkədə ötən il də bu sahədə eyni vəziyyət müşahidə olunmuşdu.

Hazırda Latviya ordusunda təxminən 5 min hərbçi qulluq edir. 2005-ci ildə NATO-ya daxil olmuş respublikanın Silahlı Qüvvələrinin cəbbəxanasında təxminən 10 vertolyot və 20 gəmi vardır.

LATVİYADA ORDUYA ÇAĞIRILMIŞ GƏNCLƏRİN 84 FAİZİ HƏRBİ XİDMƏTƏ YARARSIZ SAYILMIŞDIR

MÜƏLLİFLƏ ƏLAQƏ

Bölmənin digər xəbərləri