LƏNKƏRAN ŞƏHƏRİNDƏKİ XARİCİ DİLLƏR TƏMAYÜLLÜ İNTERNAT MƏKTƏBİN DİREKTORU MƏNSUR AĞAYEVİN ÇIXIŞI
Lənkəran şəhərindəki xarici dillər təmayüllü internat məktəbin direktoru MƏNSUR AĞAYEV öz çıxışında heç bir əsaslı səbəb olmadan ümumtəhsil internat məktəblərinin sayının azaldıldığını bildirdi və xatırlatdı ki, vaxtilə SSRİ Nazirlər Soveti Heydər Əliyevin rəhbərliyi ilə xüsusi qayğıya ehtiyacı olan təhsil müəssisələrinin təkmilləşdirilməsi və inkişaf etdirilməsi haqqında müvafiq qərarlar qəbul etmişdi. Bu işlərin məntiqi davamı olaraq, Prezident Heydər Əliyevin təşəbbüsü sayəsində 1999-2001-ci illərdə yetim və valideyn himayəsindən məhrum olan uşaqların sosial müdafiəsi haqqında qanunlar qəbul olunmuşdur.
Natiq dedi ki, ciddi problemlərdən biri də yetim və valideyn himayəsindən məhrum uşaqların təhsildən sonrakı həyatıdır. Bunun həlli yollarından biri əvvəllər mövcud olmuş, sonradan qeyri-müəyyən səbəbdən ləğv edilmiş peşə təhsili verən komplekslərin bərpasıdır.
Bölmənin digər xəbərləri
