LƏNKƏRANDA QURANİ-KƏRİMİN NADİR NÜSXƏLƏRİNİN SƏRGİSİ AÇILMIŞDIR
Sərgidə Qurani-Kərimin 100-ə yaxın nadir nüsxələri nümayiş etdirilir.
Bu kitablardan ən böyüyü Murtuza Muxtarova məxsus olan qızıl hərflərlə yazılmış Qurani-Kərimdir. Çəkisi 25 kiloqram olan bu müqəddəs kitabın hazırlanmasında 5 kiloqram qızıl işlənmişdir.
Üç gün davam edəcək sərginin açılış mərasimində çıxış edənlər ölkəmizdə milli-mənəvi dəyərlərimizin qorunub saxlanmasına və inkişaf etdirilməsinə göstərilən dövlət qayğısından danışmış, Həzrəti Məhəmmədin 60 illik ömürünün bütün bəşəriyyətə örnək olduğunu bildirmiş, müqəddəs Qurani-Kərimi insanların həyat tərzində və məişətində doğru və düzgün yolun, haqq və ədalətin simvolu kimi qiymətləndirmişlər.
Tədbirdə Lənkəran Dövlət Universitetinin müəllimi, şair Mirhaşım Talışlı Məhəmməd Peyğəmbərin mövluduna həsr etdiyi şeirini oxumuşdur.
Sonda mərasim iştirakçılarına xatirə hədiyyələri təqdim edilmişdir.
Bölmənin digər xəbərləri
