LƏNKƏRANDA QUŞ QRİPİ XƏSTƏLİYİ İLƏ ƏLAQƏDAR MÜŞAVİRƏ KEÇİRİLMİŞDİR

27.11.2006 [15:43]
Çap et
A⁺ A^-

AZƏRTAC-ın müxbiri xəbər verir ki, Lənkəran Şəhər İcra Hakimiyyətində quş qripinə qarşı mübarizəyə həsr olunmuş müşavirə keçirilmişdir. Tədbirdə quş qripinə qarşı mübarizə ilə əlaqədar yaradılmış işçi qrupunun rəhbəri, şəhər icra hakimiyyəti başçısının müavini İlkin Rəhimov görülən işlər barədə məlumat vermişdir.

Çıxışlarda qeyd edilmişdir ki, rayonda quş qripinə qarşı müvafiq tədbirlər, əhali arasında maarifləndirmə işi gücləndirilsə də, bəzi ərazilərdə çöl quşlarının qanunsuz ovlanmasına, onların yeməkxanalarda və magistral yolların kənarlarında satışına təsadüf edilir ki, bu da əhalinin sağlamlığı üçün ciddi təhlükə yaradır.

Şəhər icra hakimiyyətinin başçısı Süleyman Mikayılov, quş qripinə qarşı mübarizədə yol verilmiş nöqsanların və mövcud problemlərin aradan qaldırılması üçün rayonun səhiyyə, baytarlıq xidməti və inzibati orqanlarının rəhbərlərinə, ərazi icra nümayəndələrinə, bələdiyyələrin sədrlərinə tapşırıqlar vermişdir.

LƏNKƏRANDA QUŞ QRİPİ XƏSTƏLİYİ İLƏ ƏLAQƏDAR MÜŞAVİRƏ KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri