LƏNKƏRANDA RESPUBLİKA SEMİNAR - MÜŞAVİRƏSİ
Seminar –müşavirədə Təhsil Nazirliyinin, Açıq Cəmiyyət İnstitutu Yardım Fondunun, Dünya Bankı təhsil proqramlarının, “İctimai fəal məktəblər” pilot layihələrini həyata keçirən Bakıdakı 189, Gəncədəki 17 nömrəli orta məktəblərin, “Bilik” cəmiyyətinin Gəncə bölməsinin, Lənkəran Dövlət Universitetinin Təhsil məlumat mərkəzinin, Lənkəran “Regional ictimai fəal məktəblər” şəbəkəsinə daxil olan təhsil müəssisələrinin, Dünya Bankının, “Təhsildə bərabər imkanların yaradılması” layihəsi üzrə Əli Bayramlı, Ucar və İsmayıllı pilot rayonlarının nümayəndələri iştirak etmişlər.
Müşavirədə “Regional ictimai fəal məktəblər” layihələrinin təqdimatı olmuşdur. Natiqlər regional ictimai fəal məktəblərin ərazidə təhsil müəssisələri ilə ictimaiyyət arasında əlaqələrin, birgə əməkdaşlığın formalaşdırılması və inkişaf etdirilməsində rolundan söhbət açmış, regionlarda ictimai fəal məktəb modelinin planlaşdırılmasını, qiymətləndirilməsini və tətbiqini həyata keçirən təhsil müəssisələrinin rolundan və bu sahədə qarşıda duran vəzifələrdən danışmışlar.
Bölmənin digər xəbərləri
