Lerik sakinlərindən narkotik maddə və silah aşkarlanıb
Lerik, 10 avqust, Bağır Əliyev, AZƏRTAC
Lerik Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən rayon sakini Ə.Hüseynov saxlanılıb.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, şəxsi axtarış zamanı Ə.Hüseynovun üzərindən narkotik vasitə olan qurudulmuş marixuana aşkarlanaraq götürülüb.
Araşdırmalarla onun narkotik vasitəni Lerik rayon sakini E.Vəliyevdən əldə etdiyi müəyyən olunub.
Saxlanılan E.Vəliyevin yaşadığı evin zirzəmisindən narkotik vasitə olan qurudulmuş marixuana və 2 ədəd müvafiq sənədləri olmayan ov tüfəngləri, həmin silahlara aid 4 ədəd patron və 1 ədəd avtomat silahına aid patron aşkarlanaraq götürülüb.
Hər iki bağlı araşdırmalar aparılır.
Bölmənin digər xəbərləri
