Lerikdə inşa edilən 48 mənzilli yaşayış binası bu ilin sonunadək istifadəyə veriləcək
Lerik, 14 aprel, Bağır Əliyev, AZƏRTAC
Prezident İlham Əliyevin müvafiq Sərəncamına əsasən, Lerik şəhərində qəzalı vəziyyətdə olan evlərin sakinləri üçün inşa edilən 48 mənzilli yeni yaşayış binasının tikintisi davam etdirilir.
AZƏRTAC-ın bölgə müxbiri xəbər verir ki, yaşayış binasının tikintisinə ötən ilin dekabrında başlanılıb. Bir hektar ərazidə inşa edilən dördmərtəbəli bina iki korpusdan ibarət olacaq.
Artıq binanın zirzəmisində tikinti işləri başa çatdırılıb, birinci mərtəbədə hörgü işlərinə başlanılıb.
Bir, iki və üç otaqlı mənzillərdən ibarət olacaq yaşayış binasının bu ilin dekabrında istifadəyə verilməsi nəzərdə tutulub.
Bölmənin digər xəbərləri
