LERİKDƏ QARABAĞ ƏLİLLƏRİ VƏ ŞƏHİD AİLƏLƏRİ ÜÇÜN 16 MƏNZİLLİ YAŞAYIŞ BİNASI İNŞA EDİLƏCƏK
Lerik Rayon İcra Hakimiyyətindən AZƏRTAC-ın müxbirinə bildirmişlər ki, Azərbaycan Prezidentinin göstərişinə müvafiq olaraq, gələn ay Lerik qəsəbəsində Qarabağ əlilləri və şəhid ailələri üçün 16 mənzilli ikimərtəbəli binanın tikintisinə başlanacaqdır.
Bu məqsədlə qəsəbənin Həzi Aslanov küçəsində 0,30 hektar torpaq sahəsi ayrılmışdır.
Artıq yaşayış binasının layihə-smeta sənədləri hazırlanmış, tikinti üçün tender elan olunmuşdur.
Yeni yaşayış binasının bu ilin sonlarında istifadəyə verilməsi nəzərdə tutulmuşdur.
