LİBERİYANIN PAYTAXTI UĞRUNDA DÖYÜŞLƏRDƏ AZI 20 NƏFƏR HƏLAK OLMUŞDUR
İnformasiya kanalları xəbər verir ki, bazar günü əsas üsyançı qruplaşmasının- Liberiyalıların Barışıq və Demokratiya Uğrunda Birləşməsinin döyüşçüləri şəhərin mərkəzinə yaxınlaşmışlar. Şahidlərin dediyinə görə, onlar ölkənin ali rəhbərliyinin, o cümlədən prezident Çarlz Teylorun iqamətgahlarının yerləşdiyi Konqo Taun rayonunu nəzarət altına almaq istəyirlər.
Üsyançılar Liberiyada 2000-ci ilin ortalarından başlayaraq vətəndaş müharibəsi aparırlar. Onların məqsədi Çarlz Teyloru devirmək və ölkədə azad seçkilər keçirməkdir. Teylor özü isə bəyan edir ki, Liberiyanı yalnız xarici sülhməramlı qüvvələr Monroviyaya gələndən sonra tərk edəcəkdir.
Bölmənin digər xəbərləri
