Madriddə Böyük Vətən müharibəsində Qələbəyə həsr olunan yürüş təşkil edilib
Madrid, 7 may, AZƏRTAC
Madridin mərkəzi küçələrində Böyük Vətən müharibəsində Qələbənin 73 illiyinə həsr olunan “Ölümsüz polk” adlı yürüş təşkil edilib.
Yürüş iştirakçıları müharibədə qəhrəmanlıqlar göstərmiş doğmalarının şəkillərini, Qələbədə rolu olmuş ölkələrin bayraqlarını əllərinə tutublar. Yerli polisin məlumatına görə, yürüşdə 500-dən çox insan iştirak edib. Yürüşün sonunda konsert olub.
Rusiyanın İspaniyadakı səfiri Yuri Korçagin ailə üzvləri ilə birlikdə yürüşdə iştirak edib.
Aygün Əliyeva
AZƏRTAC-ın xüsusi müxbiri
Madrid
Bölmənin digər xəbərləri
