“MAGİSTR” JURNALININ 4 – CÜ NÖMRƏSİ ÇAPDAN ÇIXMIŞDIR
Tələbə Qəbulu üzrə Dövlət Komissiyası (TQDK) ali məktəblərin magistratura pilləsinin boş qalan plan yerlərinə qəbul haqqında elanı «Magistr» jurnalının 4-cü nömrəsində dərc etdirmişdir.
TQDK -dan AZƏRTAC-a bildirmişlər ki, jurnalda ali məktəblərin magistratura pilləsinin boş qalan plan yerlərinin siyahısı, həmin yerlərə ərizə qəbulu qaydaları, müsabiqə şərtləri, yerləşdirilmə aparılan ixtisaslar və digər zəruri məlumatlar dərc olunmuşdur.
Ali məktəblərin magistraturasının boş qalan plan yerlərinə qəbul TQDK tərəfindən 2008-ci il iyunun 22-də test üsulu ilə keçirilmiş imtahanda toplanmış ballar əsasında aparılacaqdır. Ərizələr avqustun 3-dən 7-dək internet vasitəsilə qəbul ediləcəkdir. Bu müddət ərzində bakalavr TQDK-nın internet saytına daxil olub “Bakalavrın elektron ərizəsi” formasını doldurub təsdiq etməlidir. Elektron ərizəni təsdiq etmək üçün bakalavr yeni ödəmə kartı almalıdır. Ödəmə kartlarını Bakı şəhərinin inzibati rayonlarının mərkəzi poçt şöbələrindən, Naxçıvan, Sumqayıt, Gəncə, Lənkəran və Mingəçevir şəhərlərinin mərkəzi poçt şöbələrindən əldə etmək olar.
Bölmənin digər xəbərləri
