MASALLIDA AKADEMİK ZƏRİFƏ XANIM ƏLİYEVANIN XATİRƏSİNƏ HƏSR OLUNMUŞ “DƏYİRMİ MASA” KEÇİRİLMİŞDİR
AZƏRTAC-ın müxbiri xəbər verir ki, Masallıda görkəmli oftalmoloq alim, akademik Zərifə xanım Əliyevanın xatirəsinə həsr olunmuş “dəyirmi masa” keçirilmişdir.
Ailə, Qadın və Uşaq Problemləri üzrə Dövlət Komitəsinin Masallı rayonunda gender məsələləri üzrə təmsilçisi Naibə Aslanova görkəmli oftalmoloq, akademik, M.İ Averbax adına mükafatın laureatı Zərifə xanım Əliyevanın mənalı ömür yolundan danışmış, onun Azərbaycanda tibb elminin inkişafındakı xidmətlərini xatırlatmışdır.
Tədbirdə çıxış edənlər Zərifə xanım Əliyevanın elmi, pedaqoji və ictimai fəaliyyətindən ətraflı söhbət açaraq, onun göz zədələnmələrinin müasir müalicə üsullarının yaradıcısı kimi həkimlik fəaliyyətinin də əvəzolunmaz olduğunu vurğulamış, Masallı şəhərində akademikin adını daşıyan parkın salınması təklifinə dəstək verdiyinə görə rayon rəhbərliyinə minnətdarlıqlarını bildirmişlər.
Bölmənin digər xəbərləri
