MASALLIDA MİLLİ DİRÇƏLİŞ GÜNÜ TƏNTƏNƏ İLƏ QEYD EDİLMİŞDİR
Tədbirdə rayon icra hakimiyyəti aparatının şöbə müdiri Nurəddin Məlikovun məruzəsi dinlənildikdən sonra çıxışlar olmuşdur. Natiqlər 17 noyabr - Milli Dirçəliş gününü xalqımızın azadlıq mübarizəsi tərixində mühüm mərhələ kimi qiymətləndirmiş, bu mübarizənin 1991-ci il oktyabrın 18-də dövlət müstəqilliyimizin bərpası ilə nəticələndiyini bildirmiş, ümummilli liderimiz Heydər Əliyevin 1993-cü ildə yenidən hakimiyyətə qayıdışı ilə müstəqilliyimizin dönməz və əbədi xarakter aldığını vurğulamışlar.
Sonda rayonun bədii özfəaliyyət kollektivləri konsert proqramı ilə çıxış etmişlər.
