MAVRİTANİYA PREZİDENTİ ÜÇÜNCÜ DƏFƏ DÖVLƏT BAŞÇISI SEÇİLMİŞDİR
AZƏRTAC-ın xarici informasiya agentliklərindən aldığı xəbərə görə, Mavritaniyanın indiki Prezidenti Müaviyə uld Sidi Əhməd Təyya üçüncü altı illik müddətə dövlət başçısı seçilmişdir. Noyabrın 7-də keçirilən prezident seçkilərində o, səslərin təxminən 67 faizini toplamış və artıq birinci turda qələbə qazanmışdır.
Mavritaniya Xarici İşlər Nazirliyinin məlumatına görə, müxalifət tərəfindən namizəd göstərilən Məhəmməd Huna uld Heydallaya seçicilərin təqribən 19 faizi səs vermişdir. Digər dörd namizəd isə üst-üstə 14 faiz səs toplamışdır.
Səsvermənin nəticələri Mavritaniya Konstitusiya Şurası tərəfindən yaxın 10 gün ərzində təsdiq olunmalıdır.
Bölmənin digər xəbərləri
