MAY AYINDA 430 MİLYON KUBMETRDƏN ARTIQ TƏBİİ QAZ HASİL EDİLMİŞDİR

14.06.2004 [12:06]
Çap et
A⁺ A^-

Bu ilin may ayında respublikanın dənizdəki və qurudakı mədənlərindən 430,2 milyon kubmetr, yaxud nəzərdə tutulandan 20,9 milyon kubmetr artıq təbii qaz çıxarılmışdır.

Azərbaycan Dövlət Neft Şirkətindən AZƏRTAC-ın müxbirinə verilən məlumata görə, hasil edilən qazın 328,6 milyon kubmetri “Azneft” İstehsalat Birliyinin neft-qazçıxarma idarələrinin, 10,6 milyon kubmetri müqavilə əsasında işləyən müştərək müəssisələrin və əməliyyat şirkətlərinin payına düşür. Qalan 91 milyon kubmetr qazı isə Azərbaycan Beynəlxalq Əməliyyat Şirkəti “Çıraq-1” platformasından çıxarmışdır.

Yanvar-may aylarında 2 milyard 105,1 milyon kubmetr təbii qaz hasil edilmişdir ki, bu da nəzərdə tutulandan 99 milyon kubmetr çoxdur.