MDB ÖLKƏLƏRİ QUŞ QRİPİ İLƏ BİRLİKDƏ MÜBARİZƏ APARACAQLAR

24.11.2006 [18:31]
Çap et
A⁺ A^-

AZƏRTAC xəbər verir ki, MDB ölkələri 2006-2009-cu illərdə quş qripi əleyhinə mübarizə məqsədi ilə əməkdaşlıq planı hazırlamışlar. Novosibirskdə keçirilən müşavirənin iştirakçıları Rusiyanın “Vektor” Dövlət Virusologiya və Biotexnologiya Elmi Mərkəzinin bazasında Avrasiya və Mərkəzi Asiya ölkələri üçün DST mərkəzinin yaradılması barədə bu ölkənin təklifini bəyənmişlər. Mərkəz DST standartlarına və beynəlxalq standartlara müvafiq fəaliyyət göstərəcəkdir.

Mütəxəssislərin fikrincə, mərkəzin fəaliyyəti dünya birliyinin həmin regionda yüksək patogenli quş qripi viruslarının yayılmasına nəzarətini möhkəmləndirəcəkdir.

MDB ölkələrinin sanitariya-epidemiologiya xidmətləri mütəxəssislərinin Novosibirskdə keçirilən “Yüksək patogenli quş qripi ilə mübarizə və qrip pandemiyasına hazırlığın gücləndirilməsi” mövzusunda birinci beynəlxalq seminar-müşavirəsi “böyük səkkizlik” dövlətlərinin Sankt-Peterburq zirvə görüşünün qərarlarına müvafiq, habelə Avrasiya və dünyanın bu infeksiya ilə bağlı epizootik və epidemioloji vəziyyəti ilə əlaqədar təşkil olunmuşdur.

Azərbaycanı müşavirədə Səhiyyə Nazirliyinin baş epidemioloqu, professor İbadulla Ağayev, respublika antitaun stansiyası direktorunun müavini Faiq Məmmədzadə təmsil edirdilər.

MDB ÖLKƏLƏRİ QUŞ QRİPİ İLƏ BİRLİKDƏ MÜBARİZƏ APARACAQLAR

MÜƏLLİFLƏ ƏLAQƏ

Bölmənin digər xəbərləri