MƏCBURİ KÖÇKÜNLƏR ÜÇÜN YENİ QƏSƏBƏLƏR SALINMIŞDIR
Azərbaycan Prezidentinin 7 sentyabr 2001-ci il tarixli Fərmanına uyğun olaraq Ağdam rayonunun Quzanlı kəndində 100 ev tikilib məcburi köçkünlərin istifadəsinə verilmişdir.
Respublika Dövlət Neft Fondunun vəsaiti hesabına Xındırıstanda 100, Ayaqqərvənddə 150, Ergidə 150 ailə üçün qəsəbələr də salınmısdır.
Dövlət Qaçqınkomun sədrinin əmri ilə yaradılmış komissiya qəsəbələrə köçürüləcək ailələrin siyahısını püşkatma yolu ilə dəqiqləşdirmişdir. Məcburi köçkünlərin Ayaqqərvənd və Xındırıstan qəsəbələrinə köçürülməsinə başlanmışdır.
Məcburi köçkünlər mənzilə olan ehtiyaclarının ödənilməsinə göstərdiyi diqqət və qayğıya görə ölkəmizin Prezidentinə dərin minnətdarlıqlarını bildirirlər.
Bölmənin digər xəbərləri
