MEK-də Əliağa Kürçaylının 95 illiyi münasibətilə sərgi təşkil edilib
Bakı, 20 fevral, AZƏRTAC
Fevralın 20-də XX əsr Azərbaycan poeziyasında özünəməxsus yeri olan Əliağa Kürçaylının (1928-1980) doğum günüdür. Şairin 95 illiyi münasibətilə AMEA Mərkəzi Elmi Kitabxanada sərgi təşkil olunub.
Bu barədə AZƏRTAC-a MEK-dən məlumat verilib. Bildirilib ki, sərgidə Əliağa Kürçaylının seçmə şeirlərinin daxil olduğu “Bütövlük”, “Seçilmiş əsərləri”, “Durnalar cənuba uçur”, “Yollarda axtar məni”, “Qəlbin sıxılsa əgər...”, “Dünya ovcumdadır” və digər kitabları təqdim olunub. Toplanmış əsərlərdə şairin sərhədsiz fikir-hiss dünyası əksini tapıb, insanın yüksək mənəvi keyfiyyətləri poetik dillə tərənnüm olunub.
Əliağa Kürçaylı çox məhsuldar işləyib, şeirə, sənətə ciddi münasibət bəsləyərək poetik nümunələrə, əsl ədəbi əsərlərə imza atıb.
Bölmənin digər xəbərləri
