MƏKKƏ VƏ MƏDİNƏYƏ ZİYARƏTƏ GƏLƏNLƏRİN SAYI ARTIR

14.11.2003 [16:23]
Çap et
A⁺ A^-

AZƏRTAC-ın Ər-Riyaddan aldığı xəbərdə deyilir ki, mübarək ramazan ayı sona yaxınlaşdıqca müqəddəs ocaqlara – Məkkə və Mədinəyə bütün müsəlman ölkələrindən gələn zəvvarların sayı sürətlə artır. Onlar ramazan ayının ən müqəddəs sayılan son on günündə bu şəhərlərdə dua etməyə gəlirlər.

Məkkədəki baş məsciddə “xeyirxahlıq, mərhəmət, rəhmdillik, şükranlıq, savab, əfvetmə və məmnunluq” günləri keçirmək üçün Səudiyyə Ərəbistanının məliki Fəhd bin Əbdüləziz Al Səud, vəliəhd Abdulla, məlik sarayının əyanları Məkkəyə köçmüşlər.

Ramazan ayının 19-da (noyabrın 14-də) Məkkənin baş məscidində 1,5 milyon, Məhəmməd peyğəmbərin Mədinədəki məscidində isə 300 min zəvvarın ibadətə toplaşacağı bildirilir.

Terror aktları təhdidləri ilə əlaqədar hər iki şəhərdə və onların baş məscidlərində ciddi təhlükəsizlik tədbirləri görülmüşdür. Məkkə və Mədinənin küçələrində polislər sayıqlıqla keşik çəkirlər. Məscidlərin yaxınlığına və mərkəzi rayonlara avtomaşın buraxılmır. Bu müqəddəs şəhərlərə gələnlərin sənədləri diqqətlə yoxlanılır.

MƏKKƏ VƏ MƏDİNƏYƏ ZİYARƏTƏ GƏLƏNLƏRİN SAYI ARTIR

MÜƏLLİFLƏ ƏLAQƏ

Bölmənin digər xəbərləri