MƏKKƏDƏ İKİ TERRORÇU ÖZÜNÜ PARTLATMIŞDIR
AZƏRTAC-ın Ər-Riyaddan aldığı xəbərə görə, noyabrın 6-da Məkkədə iki terrorçu polis onları həbs etməyə cəhd göstərərkən özünü partlatmışdır. Səudiyyə Ərəbistanı təhlükəsizlik orqanlarının məlumatında deyilir ki, quldurlar “Əl-Qaidə” beynəlxalq terror şəbəkəsinin yerli özəklərindən birinin üzvləri idilər.
Elə həmin gün Ər-Riyadda polislə quldur dəstəsi arasında atışma olmuşdur. DİN-in nümayəndəsi bildirmişdir ki, bir terrorçu öldürülmüş, 9 asayiş keşikçisi yaralanmış, bir necə cinayətkar həbs edilmişdir.
“Əl-Qaidə”nin üzvləri bu ilin yazında Ər-Riyadda törədilmiş bir neçə partlayışın təşkilində şübhəli sayılırlar.
Bölmənin digər xəbərləri
