Şənbə günü Meksika hökuməti Atlantika tərəfdən tropik “Larri” fırtınasına məruz qalmış Verakrus, Tabasko və Çyapas ştatlarında fövqəladə vəziyyət elan etmişdir. Ölkənin Atlantik sahillərindəki əsas dəniz limanları gəmiləri qəbul etmir. Qoşun əhaliyə kömək göstərilməsi və təbii fəlakət rayonlarındakı əhalinin mümkün evakuasiyası üçün hazırlıq vəziyyətinə gətirilmişdir.

“Larri” özü ilə fırtına küləyi və onsuz da son həftələr Meksika körfəzi sahillərinə külli miqdarda zərər vurmuş güclü yağış gətirir. Daşqınlar nəticəsində 10-dan artıq adam həlak olmuşdur.

Adətən, noyabrın sonuna qədər davam edən qasırğa mövsümü bul il Meksika üçün çox fəal olmuşdur. Avqustdan bəri Meksika ərazisi üç dəfə siklona məruz qalmışdır. Oktyabrın ilk günlərində vəziyyət xüsusilə mürəkkəbləşmişdir. Atlantikadan “Larri” Meksika üzərinə yeriyərək, Kankun kurort zonasını hədələdiyi bir vaxtda Sakit okean istiqamətindən ölkə sahillərinə “Norma” qasırğası və tropik “Olaf” fırtınası yaxınlaşır. Onlar Los-Kabos və Akapulko kurortları üzərinə yönələ bilərlər.