MƏKTƏBLƏRDƏ ŞAGİRD SIXLIĞI ARADAN QALDIRILIR
Heydər Əliyev Fondunun “Yeniləşən Azərbaycana yeni məktəb” proqramı çərçivəsində keçən il Goranboy rayonunun Kələk və Qaramusalı kəndlərinin hər birində müasir tələblərə cavab verən 200 yerlik, Tar kəndində isə 120 yerlik yeni məktəb binaları tikilərək istifadəyə verilmişdir. İrəvanlı kənd orta məktəbi üçün 100 yerlik, Yolpaq kənd orta məktəbi üçün isə 80 yerlik əlavə tədris korpusları istifadəyə verilməklə şagird sıxlığı aradan qaldırılmışdır. Hazırda Bağçakürd kənd orta məktəbi üçün 80 yerlik yeni korpusun tikintisində iş xeyli sürətləndirilmişdir. Rayon icra hakimiyyətindən AZƏRTAC-ın müxbirinə bildirmişlər ki, ölkə başçısının tapşırığına əsasən, cari ildə rayonda 12 məktəbin əsaslı şəkildə yenidən qurulması nəzərdə tutulmuşdur. Bu günlərdə həmin məsələ ilə bağlı tədbirlər planı təsdiq edilmiş və icrası üçün hazırlıq işlərinə başlanılmışdır.
Bölmənin digər xəbərləri
