MƏKTƏBLİLƏR ÜÇÜN MİLLİ KURRİKULUM ƏSASINDA DƏRSLİKLƏR HAZIRLANACAQDIR
Təhsil Nazirliyində ümumtəhsil məktəblərinin I sinifləri üçün 2008-2009-cu dərs ilinə milli kurrikulum əsasında dərslik komplektlərinin hazırlanması ilə bağlı müşavirə keçirilmişdir.
Nazirlikdən AZƏRTAC-a bildirmişlər ki, müşavirədə nazir Misir Mərdanov milli kurrikulum əsasında 13 adda dərslik, müəllimlər üçün 21 adda vəsait, şagirdlər üçün 15 adda iş dəftəri hazırlanacağını və bu məqsədlə görülən işləri diqqətə çatdırmışdır. O həmçinin, hazırlanacaq dərslik dəstlərinin qiymətləndirilməsi işinin müstəqil qurum olan Dərslikləri Qiymətləndirmə Şurası tərəfindən həyata keçiriləcəyini bildirmişdir.
Şuranın sədri Elmina Kazımzadə qurumun görəcəyi işlər barədə məlumat vermiş, sonra məsələ ilə bağlı suallar cavablandırılmışdır.
Bölmənin digər xəbərləri
