Məleykə Abbaszadə: 8 magistratura proqramı üzrə bütün plan yerləri tutulub
Bakı, 31 iyul, AZƏRTAC
Bu il magistraturaya qəbul 67 proqram üzrə aparılıb və proqramlar arasında müsabiqə vəziyyəti fərqli olub.
AZƏRTAC xəbər verir ki, bunu Dövlət İmtahan Mərkəzinin (DİM) İdarə Heyətinin sədri Məleykə Abbaszadə jurnalistlərə açıqlamasında deyib. Onun sözlərinə görə, maşın mühəndisliyi, nəqliyyat mühəndisliyi, su bioehtiyatları və akvakultura, balıqçılıq, əczaçılıq, nəqliyyatda servis, aerokosmik mühəndislik, yanğın təhlükəsizliyi mühəndisliyi sahələri üzrə müvafiq olaraq 4, 8, 21, 52, 55, 57, 60, 71 saylı proqramlara ayrılmış plan yerləri 100 faiz dolub.
DİM sədri qeyd edib ki, bəzi proqramlar üzrə plan yerlərinin sayının az olması həmin yerlərin tam dolacağını əvvəlcədən proqnozlaşdırmağa imkan verirdi.
Ən aşağı müsabiqə vəziyyətinin formalaşdığı mədən mühəndisliyi, tərcümə, kitabxanaçılıq, regionşünaslıq, hava nəqliyyatı, səhiyyə, biotexnologiya, incəsənət sahələrinə aid 29, 43, 45, 47, 58, 59, 66, 69, 70 saylı proqramlara ayrılmış plan yerlərini 50 faiz və ya daha çoxu boş qalıb.
Bəzi proqramlar üzrə qəbul planının tam dolmaması isə əvvəlcədən gözlənilən idi. İmtahan nəticələrinə əsasən həmin proqramlar üzrə ixtisaslaşma seçiminə buraxılan bakalavrların sayı ayrılmış plan yerlərinin sayından az olub.
Bölmənin digər xəbərləri
