Mərakeş Afrikada iqtisadiyyatı ən sürətli inkişaf edən ölkədir
Rabat, 10 avqust, AZƏRTAC
Mərakeş 2021-ci ildə iqtisadiyyatı ən sürətlə inkişaf edən beş Afrika ölkələri siyahısına liderlik edir.
AZƏRTAC xəbər verir ki, bu barədə “Global data” beynəlxalq konsaltinq və analitik şirkətinin ekspertləri bildiriblər. “Global Data” şirkətinin son hesabatında qeyd edilir ki, Krallıqda iqtisadiyyatın artımı 5,19 faiz təşkil edəcək ki, bu da 2021-ci ildə Afrika qitəsində ən yüksək göstərici olacaq.
Mərakeşin kənd təsərrüfatı göstəricilərini xüsusi ayıran konsaltinq şirkəti hesab edir ki, gözlənilən artım pul-kredit siyasətinə və vergi güzəştlərinə uyğun səmərəli peyvənd kampaniyası ilə şərtləndirilir.
Digər tərəfdən, “Global data” şirkətinin hesabatında deyilir ki, Afrika iqtisadiyyatı, 2020-ci ildə yarım əsr ərzində ən güclü resessiyanı yaşayaraq, 2021-ci ildə gözlənildiyi kimi 3,8 faiz artacaq.
Nigar Cəfərli
AZƏRTAC-ın xüsusi müxbiri
Rabat
Bölmənin digər xəbərləri
