Mərkəzi Bankın “Tədqiqat bülleteni”nin üçüncü nömrəsi hazırlanmışdır
Bakı, 13 noyabr (Bakı). Azərbaycan Respublikası Mərkəzi Bankının elektron nəşri olan rüblük “Tədqiqat bülleteni”nin üçüncü nömrəsi hazırlanmışdır.
Mərkəzi Bankın kommunikasiya departamentindən AZƏRTAC-a bildirmişlər ki, bülletendə üçüncü rübdə dünya iqtisadiyyatında baş verən iqtisadi proseslərin icmalı verilmiş, qlobal maliyyə bazarlarında vəziyyət və aparılan iqtisadi siyasət əks olunmuşdur. Həmçinin Latın Amerikası ölkələrinin mərkəzi banklarında modelləşdirmə və proqnozlaşdırma təcrübəsi, inkişaf iqtisadiyyatı üzrə ən son tədqiqatların nəticələri və ödəniş sistemlərinin inkişafına dair yeniliklər öz əksini tapmışdır. Fundamental tədqiqatlar bölməsində Azərbaycan Mərkəzi Bankı tərəfindən aparılan son tədqiqat işlərinin nəticələri haqqında məlumat verilmişdir.
Bülletenin üçüncü nömrəsi Azərbaycan Respublikası Mərkəzi Bankının internet səhifəsində yerləşdirilmişdir.
Bölmənin digər xəbərləri
