Mərkəzi Elmi Kitabxana fəaliyyətinin təşkilinə dair telekonfrans keçirib
Bakı, 7 may, AZƏRTAC
Azərbaycan Milli Elmlər Akademiyasının prezidenti, akademik Ramiz Mehdiyevin müvafiq sərəncamına əsasən Mərkəzi Elmi Kitabxanada (MEK) pandemiya və sosial təcrid şəraitində alim və mütəxəssislərin informasiya təminatının ödənilməsi və bu dövrdə fəaliyyətinin təşkili məsələlərinə həsr olunan telekonfrans keçirilib.
MEK-dən AZƏRTAC-a bildirilib ki, kitabxana rəhbərliyinin və şöbə müdirlərinin iştirakı ilə keçirilən telekonfransda MEK-in koronavirus pandemiyası dövründə fəaliyyəti təhlil edilib və görüləcək işlərin əsas istiqamətləri, bu fəaliyyətdə iştirak edəcək işçi kontingentinin tərkibi və digər məsələlər müzakirə edilib.
Telekonfransda Elnur Hüseynov, Xuraman İsmayilova, Aygün Səfərova, Elmar Quliyev və başqaları alim və mütəxəssislərin informasiya təminatının tam ödənilməsi üçün görülən işlər barədə danışıblar. Bundan əlavə, qarşıda duran digər məsələlər ətrafında müzakirələr aparılıb, hər bir əməkdaşa üzərinə düşən öhdəliklər həvalə edilib.
Xatırladaq ki, konfransın keçirilməsində məqsəd oxucuların daha çox marağını kəsb edən mövzularda resursların elektron bazalarını yaratmaq, alim və mütəxəssislər üçün bu çətin günlərdə lazımi informasiyanın əlçatan olmasını təmin etməkdir.
Bölmənin digər xəbərləri
