MƏRKƏZİ KƏŞFİYYAT İDARƏSİ İRAQDA VƏZİYYƏTİN DAHA DA KƏSKİNLƏŞƏCƏYİNİ BİLDİRİR

13.11.2003 [14:18]
Çap et
A⁺ A^-

AZƏRTAC-ın müxbiri Vaşinqtondan xəbər verir ki, ABŞ hökumətinin yüksək vəzifəli nümayəndəsi Si-En-En teleşirkətinə müsahibəsində Mərkəzi Kəşfiyyat İdarəsinə istinadla İraqda vəziyyətin daha da kəskinləşəcəyini bildirmişdir.

MKİ-nin İraqdakı rezidentinin noyabrın 10-da Vaşinqtona göndərdiyi son hesabatda bu ölkədə hadisələrin inkişafının dəhşətli bir mənzərəsi əksini tapmışdır. Hesabatda deyilir ki, “Əl-Qaidə”, “Hizbullah” və digər ekstremist təşkilatların yaraqlılarının hərəkətləri getdikcə daha mütəşəkkil xarakter daşıyır.

Si-En-En bildirir ki, Prezident Corc Buşun İraqda fəal hərbi əməliyyatların dayandırıldığını elan etdiyi vaxtdan, mayın 1-dən bəri bu ölkədə 259 Amerika əsgəri öldürülmüşdür. Ümumiyyətlə isə, İraqda ABŞ-ın 398 hərbi qulluqçusu həlak olmuşdur. Onların 38-i yalnız son bir ayda öldürülmüşdür.

MƏRKƏZİ KƏŞFİYYAT İDARƏSİ İRAQDA VƏZİYYƏTİN DAHA DA KƏSKİNLƏŞƏCƏYİNİ BİLDİRİR

MÜƏLLİFLƏ ƏLAQƏ

Bölmənin digər xəbərləri