MƏRKƏZİ SEÇKİ KOMİSSİYASI MƏTBUAT XİDMƏTİNİN MƏLUMATI
Aprelin 12-də Məzahir Pənahovun sədrliyi ilə Mərkəzi Seçki Komissiyasının növbəti iclası olmuşdur.
İclasda Azərbaycan Respublikasının Milli Məclisinə əlavə seçkilərin ilkin nəticələri elan edilmişdir.
24 saylı Nərimanov birinci seçki dairəsində 41478 seçicidən 26200 nəfəri, yəni 63,17 faizi, 29 saylı Əli Bayramlı - Salyan seçki dairəsində 40638 seçicidən 22714 nəfəri, yəni 55,88 faizi və 31 saylı Kəpəz seçki dairəsində isə 44701 seçicidən 31564 nəfəri, yəni 70,61 faizi iştirak etmişdir. Bu seçki dairələri üzrə səsvermədə fəal iştirak edən seçicilərin ümumi sayı 80478 nəfər, yəni 63,46 faiz olmuşdur.
İclasda 24 saylı Nərimanov birinci və 29 saylı Əli Bayramlı - Salyan seçki dairələrindən səsvermə günü daxil olan iki şikayət ərizəsinə də baxılmışdır. Şikayətlər yerindəcə araşdırıldıqdan sonra Komissiyanın növbədənkənar iclasında müzakirəyə çıxarılacaq və müvafiq qərar qəbul ediləcəkdir.
Bölmənin digər xəbərləri
