MƏRKƏZİ SEÇKİ KOMİSSİYASINDA GÖRÜŞ
Missiyanın rəhbəri G.Arens bildirmişdir ki, rəhbərlik etdiyi uzunmüddətli müşahidə missiyası 2005-ci il noyabrın 6-da keçirilmiş seçkilərdən fərqli olaraq, daha az vaxtda müşahidə aparacaqdır. Səsvermə ərəfəsində qısamüddətli müşahidəçilər Azərbaycana gələcəklər. Bundan əlavə, ATƏT PA-dan da müşahidəçilər gələcək və bu missiya ilə əlaqəli fəaliyyət göstərəcəyik. Müşahidə missiyası əsasən, Bakıda və Gəncədə olan seçki məntəqələrində müşahidə aparacaqlar. Missiyanın rəhbəri daha yaxşı seçki keçiriləcəyinə ümid etdiyini də vurğulamışdır.
Mərkəzi Seçki Komissiyasının sədri Məzahir Pənahov bildirmişdir ki, ATƏT-in müşahidə missiyasının təkrar seçkilərdə müşahidəçilik etməsi çox əhəmiyyətlidir. Sədr səfir G.Arensi yenidən Azərbaycanda gördüyündən məmnun olduğunu qeyd etmiş və ötən seçkilərdəki müşahidəçiliyə görə təşəkkürünü bildirmişdir.
Qonaqlar təkrar seçkilərə hazırlıqla bağlı görülən işlər, MSK və aşağı seçki komissiyalarının tərkibi və təşkili prinsipləri, Mərkəzi Seçki Komissiyasına daxil olmuş müraciətlər və s. məsələlər barədə suallar vermişlər. Mərkəzi Seçki Komissiyasının sədri qonaqların suallarını cavablandırmışdır.
Bölmənin digər xəbərləri
