MƏRKƏZİ SEÇKİ KOMİSSİYASININ NÖVBƏTİ İCLASI OLMUŞDUR

13.02.2003 [17:30]
Çap et
A⁺ A^-

Fevralın 13-də Məzahir Pənahovun sədrliyi ilə Mərkəzi Seçki Komissiyasının növbəti iclası olmuşdur.

Mərkəzi Seçki Komissiyasının mətbuat xidmətindən AZƏRTAC-a bildirmişlər ki, iclasda Milli Məclisə seçkilər üzrə 14 saylı Qaradağ seçki dairəsindən deputatlığa namizədliyini irəli sürmüş Cəfərov Əli Qurban oğlunun müraciətinə baxılmışdır. Mərkəzi Seçki Komissiyasının katibi Qabil Orucovun məlumatı dinlənildikdən və komissiya üzvlərinin rəyi öyrənildikdən sonra Əli Cəfərovun deputatlığa namizədliyinin qeydə alınmaması barədə 14 saylı seçki dairəsi dairə seçki komissiyasının qərarı ləğv olunmuşdur. Mərkəzi Seçki Komissiyası Ə. Cəfərovun Milli Məclisə deputatlığa namizədliyinin qeydə alınması barədə qərar qəbul etmişdir.

Milli Məclisə seçkilər üzrə 91 saylı Xanlar-Daşkəsən seçki dairəsindən deputatlığa namizədliyini irəli sürmüş Məmmədov Nəsimi Əhməd oğlunun müraciəti barədə məsələyə baxılmış və o, Mərkəzi Seçki Komissiyasının növbəti iclasına saxlanmışdır.

İclasda Seçki Sistemləri üzrə Beynəlxaq Fondun, habelə kütləvi informasiya vasitələrinin nümayəndələri iştirak etmişlər.