Məşhur fransalı aktyor vəfat edib
Bakı, 22 yanvar, AZƏRTAC
Fransanın məşhur aktyoru Fransua Perro 95 yaşında dünyasını dəyişib.
AZƏRTAC RİA Novostiyə istinadla xəbər verir ki, aktyorun ölüm səbəbləri açıqlanmayıb.
Qeyd edək ki, Perro 1924-cü il fevralın 26-da Parisdə anadan olub. Karyerasına 1951-ci ildə Fransa Milli Xalq Teatrının səhnəsində başlayıb. Aktyor yarım əsrdən çox fəaliyyəti ərzində 150-dən çox film və serialda çıxış edib.
O, xüsusilə “Monparnasın sevgililəri”, “Əli çirkli günahsızlar”, “Düşmənimin cənazəsi” və “Nöqsansız reputasiya” kimi filmlərdə çəkilib.
Bölmənin digər xəbərləri
