Metodik Dəstək Mərkəzinin qaynar xəttinə daxil olan müraciətlər cavablandırılıb
Bakı, 16 aprel, AZƏRTAC
Azərbaycan Respublikası Təhsil İnstitutunun Metodik Dəstək Mərkəzinin qaynar xətti gücləndirilmiş rejimdə fəaliyyətini davam etdirir.
Bu barədə AZƏRTAC-a Təhsil İnstitutundan məlumat verilib. Bildirilib ki, istifadəyə verildiyi gündən etibarən metodistlərin, tədris işçilərinin sual və təkliflərini ünvanladığı qaynar xəttə daxil olan müraciətlərlə bağlı statistik məlumatlarla institutun saytındakı infoqrafikada tanış olmaq mümkündür. Ən çox verilən suallar “Rayon metodik kabinetlərində vəzifə bölgüsü”, “Pedaqoji fəaliyyət hüququ”, “Karantin müddətində Metodik Dəstək Mərkəzinin tədbirlər planı” ilə bağlı olub. Mərkəzin qaynar xəttinə daxil 87 müraciətdən 81-i yerində cavablandırılıb. Altısı isə aidiyyəti üzrə yönləndirilib.
Metodik Dəstək Mərkəzinin qaynar xətti metodistlərin və tədris işçilərinin COVID-19 pandemiyası səbəbilə tətbiq edilən distant təhsil və onun təşkili ilə bağlı müraciətlərini qəbul etmək məqsədilə yaradılıb.
Bölmənin digər xəbərləri
