Milan Vilotiç: “Qarabağ” klubunun Avropa Liqası yarışlarının qrup mərhələsindən çıxacağına inanıram
Bakı, 11 sentyabr, AZƏRTAC
“Qarabağ” klubunun Avropa Liqası yarışlarının qrup mərhələsindən çıxacağına inanıram. Bilirəm ki, "Tottenhem", "Monako" və "Anderlext"i sürpriz gözləyir.
AZƏRTAC xəbər verir ki, bu sözləri İsveçrənin “Yanq Boyz”un futbol klubunun serbiyalı müdafiəçisi Milan Vilotiç deyib.
Futbolçu bildirib ki, "Mən "Qarabağ" haqda əvvəlcə geniş məlumatlı deyildim. İlk oyunumuzdan sonra bu komandanın necə güclü heyəti olduğuna şahidlik etdim. Bakıdakı görüşdə uğur qazana bilərdik. Amma çox çətin oldu. Erkən qırmızı vərəqə və penalti bütün planlarımızı pozdu.
Milan Vilotiç deyib: “Qarabağ”ın qrup mərhələsinə düşməyə haqqı olduğunu düşünürəm. "Qarabağ"ın qrupdakı rəqiblərini gördüm. "Tottenhem", "Monako" və "Anderlext" üçün "Qarabağ"la oynamaq heç də asan olmayacaq. Həqiqətən də "Qarabağ" gözləniləndən də güclüdür. “Qarabağ” bu üç komandaya əsl başağrısı yaradacaq. Bizə qarşı oynadıqları kimi oynasalar, hər üçünü məğlub edərlər. "Qarabağ” oyun nizam-intizamını itirmir. Bu da peşəkarlıq tələb edir".
Qeyd edək ki, Ağdamın “Qarabağ” klubu UEFA Avropa Liqası yarışlarının pley-off mərhələsi çərçivəsində İsveçrənin “Yanq Boyz” komandasını turnirdən kənarlaşdıraraq qrup mərhələsinə vəsiqəni təmin etmişdi.
Bölmənin digər xəbərləri
