MİLLİ MƏCLİSDƏ GÖRÜŞ
Oqtay Əsədov ölkələrimiz arasındakı dostluq əlaqələrinin qədim tarixindən danışmış, münasibətlərimizin genişlənməsində dövlətlərimizin başçılarının rolunu xüsusi vurğulamışdır. Bildirmişdir ki, Prezidentlərin qarşılıqlı səfərləri zamanı imzalanmış çoxsaylı sənədlər əlaqələrimizin inkişafı üçün möhkəm hüquqi baza yaratmışdır. Biz istərdik ki, münasibətlərimiz daha da genişlənsin və ümidvarıq ki, bu səfərdən sonra parlamentlərarası əlaqələrimiz daha da möhkəmlənəcək və inkişaf edəcəkdir.
Milli Məclisin sədri Azərbaycanda həyata keçirilən hüquqi, iqtisadi, demokratik islahatlar barədə qonaqlara ətraflı məlumat vermiş, xarici sərmayədarlar üçün əlverişli şərait olduğunu diqqətə çatdırmışdır.
Karol Karski onlara göstərilən qonaqpərvərliyə görə minnətdarlığını bildirmiş, ölkəsinin parlament sədrinin salamlarını Oqtay Əsədova çatdırmışdır. Bildirmişdir ki, onun ölkəsi Azərbaycan ilə əlaqələrin inkişafında maraqlıdır. Səfərdən məqsəd münasibətlərimizi genişləndirmək üçün məsləhətləşmələr aparmaqdır.
Sonra görüşdə qarşılıqlı maraq doğuran digər məsələlərlə bağlı ətraflı fikir mübadiləsi aparılmışdır.
Bölmənin digər xəbərləri
