MİLLİ MƏCLİSİN DEPUTATLARI CƏNUBİ QAFQAZ PARLAMENT TƏŞƏBBÜSÜ RƏYASƏT HEYƏTİNİN TOPLANTISINDA İŞTİRAK EDƏCƏKLƏR
AZƏRTAC xəbər verir ki, Milli Məclisin aqrar siyasət daimi komissiyasının sədri Eldar İbrahimov, deputatlar Siyavuş Novruzov və Fuad Muradov Böyük Britaniyanın “LİNKS” təşkilatının Cənubi Qafqaz Parlament Təşəbbüsü rəyasət heyətinin XI toplantısında iştirak etmək üçün noyabrın 19-da Brüsselə yola düşəcəklər.
Milli Məclisin mətbuat xidmətindən verilən məlumata görə, tədbirdə rəyasət heyətinin cari ilin iyulunda Londonda keçirilmiş X toplantısının protokolu, Cənubi Qafqaz Parlament Təşəbbüsünün gələcək fəaliyyət proqramı, V ümumi iclasın qərarlarının həyata keçirilməsi və digər məsələlər müzakirə ediləcəkdir.
Deputatlarımız çıxış edəcək, müzakirəyə təqdim edilən məsələlərə münasibətlərini bildirəcəklər.
Səfər noyabrın 23-də başa çatacaqdır.
Bölmənin digər xəbərləri
