MİLLİ MƏCLİSİN DEPUTATLARI ŞİMALİ KİPRƏ GEDƏCƏKLƏR
AZƏRTAC xəbər verir ki, Milli Məclisin deputatları Nizami Xudiyev və Rəfael Cəbrayılov Şimali Kipr Türk Respublikasının 23-cü ildönümü münasibətilə keçiriləcək bayram tədbirlərində iştirak etmək üçün noyabrın 13-də Lefkoşa şəhərinə yola düşmüşlər.
Milli Məclisin mətbuat xidmətindən bildirmişlər ki, deputatlarımız tədbirin rəsmi hissəsində və bayram şənliklərində iştirak edəcəklər. Deputatlarımızın Şimali Kipr Türk Respublikasının rəhbərliyi ilə görüşləri də nəzərdə tutulmuşdur.
Səfər noyabrın 18-də başa çatacaqdır.
Bölmənin digər xəbərləri
