MİLLİ TƏHLÜKƏSİZLİK NAZİRLİYİNİN ƏMƏKDAŞLARI ŞƏHİDLƏR XİYABANINI ZİYARƏT ETMİŞLƏR
AZƏRTAC xəbər verir ki, milli təhlükəsizlik naziri, general-polkovnik Eldar Mahmudov və nazirliyin əməkdaşları, Millli Təhlükəsizlik Nazirliyinin Heydər Əliyev adına Akademiyasının müdavimləri yanvarın 19-da Şəhidlər xiyabanını ziyarət etmişlər. Onlar Azərbaycanın müstəqilliyi və azadlığı uğrunda canlarından keçmiş qəhrəman Vətən övladlarının məzarları üzərinə gül-çiçək dəstələri düzmüş, “Əbədi məşəl” kompleksi önünə əklil qoymuşlar.
Nazirliyin işçiləri Ermənistan-Azərbaycan, Dağlıq Qarabağ münaqişəsində qəhrəmancasına həlak olmuş və Milli Qəhrəman adına layiq görülmüş MTN əməkdaşlarının məzarları üzərinə də tər qərənfillər düzmüş, bütün şəhidlərə Allahdan rəhmət diləmişlər.
Bölmənin digər xəbərləri
