Mingəçevir Dövlət Universitetində “Açıq qapı” günləri keçiriləcək
Bakı, 1 iyun, AZƏRTAC
2021/2022-ci tədris ilinin yaz semestrinin imtahan sessiyasının başlanması ilə əlaqədar olaraq Mingəçevir Dövlət Universitetinin (MDU) rektoru Şahin Bayramovun iştirakı ilə “Açıq qapı” günləri keçiriləcək.
Universitetdən AZƏRTAC-a bildiriblər ki, imtahan dövründə tələbə və magistrantların, həmçinin onların valideynlərinin yarana biləcək suallarının operativ cavablandırılması məqsədi daşıyan “Açıq qapı” günləri hər həftənin çərşənbə günü saat 15:00-da hibrid formada təşkil olunacaq.
Hibrid formada olan görüşlərdə MDU-nun tələbələri, magistrantlar və onların valideynləri iştirak edə bilərlər.
İlk “Açıq qapı” günü 2022-ci il iyunun 1-də keçiriləcək.
Görüşə qatılmaq istəyənlər [email protected] elektron poçt ünvanına müraciət edə bilərlər.
Bölmənin digər xəbərləri
