MİSİRDƏ KEÇİRİLƏN “ƏCNƏBİ TƏLƏBƏLƏR GÜNÜ” FESTİVALINDA AZƏRBAYCAN DA TƏMSİL OLUNMUŞDUR
Azərbaycanlıların Misir Ərəb Respublikasındakı Tələbə Cəmiyyətindən AZƏRTAC-a bildirmşlər ki, mayın 3-də Qahirə Dövlət Universitetində 14 ölkə nümayəndələrinin iştirakı ilə keçirilən II “Əcnəbi tələbələr günü” festivalında Azərbaycan da təmsil olunmuşdur.
Tələbələrimiz festivala gələn qonaqlara ölkəmizin iqtisadi, siyasi, mədəni, coğrafi mövqeyi barədə ətraflı məlumat vermiş, milli mətbəximizi nümayiş etdirmişlər. Tədbir iştirakçıları Ermənistanın Azərbaycana qarşı hərbi təcavüzü haqqında da geniş məlumatlandırılmış, onlara broşürlər paylanmışdır.
Universitetin akt zalında davam etdirilən tədbirdə Azərbaycan musiqisindən nümunələr səslənmiş, rəqslərimiz ifa olunmuşdur.
Bölmənin digər xəbərləri
