Misirdə son sutkada koronavirusa 272 nəfər yoluxub
Qahirə, 4 may, AZƏRTAC
Misirdə son sutka ərzində COVID-19 virusuna 272 yoluxma halı qeydə alınıb.
AZƏRTAC xəbər verir ki, Misirin Səhiyyə Nazirliyinin məlumatında ölkədə koronavirusa yoluxanların ümumi sayının 6 min 465 nəfərə çatdığı qeyd olunur.
Məlumatda mayın 3-də COVID-19 virusundan 14 nəfərin öldüyü, həyatını itirənlərin ümumi sayının 429 nəfərə çatdığı bildirilib. Əlavə edilib ki, son sutka ərzində xəstəlikdən 40 nəfər sağalıb. Misirdə indiyədək karantin xəstəxanalarında 1562 pasiyent tam müalicə olunub.
Misirin Səhiyyə naziri Halə Zayid bildirib ki, sağalmış pasiyentlərdən plazma götürülərək ağır xəstələrə köçürülür. O, bu plazmaların orqanizmdə virusla mübarizəyə kömək etdiyini əlavə edib. Nazir qeyd edib ki, plazma terapiyası vasitəsi ilə alimlər koronavirus xəstəliyinin müalicəsi üzərində tədqiqat aparırlar.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
