Misirdə terror ittihamı ilə mühakimə olunan 37 nəfər edam cəzasına məhkum edilib
Bakı, 1 fevral, AZƏRTAC
Qahirənin cinayət məhkəməsi misirli terrorçu Heşam Aşmavi və “Ənsar Beyt əl-Maqdes” terrorçu qrupun daha 36 üzvü edam cəzasına məhkum edilib . Onlar polis əməkdaşlarına qarşı çoxsaylı silahlı hücumlarda təqsirli biliniblər.
AZƏRTAC “Egypttoday” portalına istinadla xəbər verir ki, məhkəmənin qərarı məsləhət üçün ölkənin Ali Müftisinə göndəriləcək və martın 2-dək təsdiq ediləcək. Sözügedən cinayət işində mərhum Daxili İşlər naziri Məhəmməd İbrahimin qətli, inzibati binaların bombalanması və polislərə 54 silahlı hücumda iştirak etmiş 208 müttəhim hakim qarşısına çıxarılıb.
Qeyd olunub ki, terrorçu Aşmavi Liviyadan ötən ilin noyabrında Misirə ekstradisiya olunub və bu cinayətkar 28 zabit və əsgərin qətlə yetirilməsində iştirak edib. “Ənsar Beyt əl-Maqdes” terror təşkilatı 2014-cü ildə İŞİD-lə müttəfiq olduğunu elan etsə də, adıçəkilən terrorçu sonuncunu tanımaqdan imtina edib.
Bölmənin digər xəbərləri
