İDMAN
Misli Premyer Liqası: Bu gün təxirə salınmış oyun keçiriləcək
Bakı, 6 noyabr, AZƏRTAC
Bu gün futbol üzrə Misli Premyer Liqasında III turdan təxirə salınmış oyun keçiriləcək.
AZƏRTAC xəbər verir ki, qonşu pillələrdə qərarlaşan komandaların duelində “Zirə” “Araz-Naxçıvan”ı sınağa çəkəcək. Zirə İdman Kompleksinin stadionunda reallaşacaq görüş saat 19:00-da başlayacaq. Qarşılaşmanı Rauf Cabarov idarə edəcək.
Qeyd edək ki, hazırda ev sahibi komanda 20 xalla 4-cü, qonaqlar isə 24 xalla 3-cü pillədə qərarlaşıblar.
