MOSKVA SİRKİNİN ARTİSTLƏRİ BAKIDA ÇIXIŞ EDƏCƏKLƏR
Oktyabrın 5-də Bakı Dövlət Sirkində yeni mövsümün açılışı olacaqdır. Sirkin müdiriyyətindən bildirmişlər ki, Rusiyanın sirk ustaları burada “Moskva sirkinin böyük proqramı” ilə çıxış edəcəklər.
Tamaşaçılar oxlu kirpi, meymun, yaquar və digər ekzotik heyvanları görəcəklər. Rusiyanın xalq artisti, adı Ginnesin rekordlar kitabına düşmüş Adam Visitayev “vahiməli 10 dəqiqə” nömrəsi ilə çıxış edərək, çox yüksəklikdə başgicəlləndirici hərəkətlər göstərəcəkdir. Bakı məktəblilərinin qış tətili günlərində isə paytaxtımızın yeniyetmə tamaşaçıları Tatyana Filatovanın rəhbərliyi ilə Moskva sirkinin “Ayıların və fillərin tamaşası” adlı yeni proqramına baxa biləcəklər.
Bölmənin digər xəbərləri
