MOSKVADA DÖVLƏTLƏRARASI AXTARIŞDA OLAN AZƏRBAYCAN VƏTƏNDAŞI HƏBS EDİLMİŞDİR
Moskva Baş Daxili İşlər İdarəsində (BDİİ) AZƏRTAC-ın müxbirinə bildirmişlər ki, hələ 2000-ci il aprelin 28-dən axtarışda olan vətəndaş Şıxzamanov Rusiyanın hüquq mühafizə orqanlarının əməliyyat-axtarış fəaliyyəti nəticəsində həbs edilmişdir. Həbs Bakının Yasamal rayon daxili işlər idarəsinin sorğusu əsasında həyata keçirilmişdir. Cinayətkar xüsusi iri məbləğdə pul mənimsəməkdə ittiham olunur.
BDİİ-də daha ətraflı məlumat verməkdən boyun qaçırsalar da, bildirmişlər ki, hazırda cinayətkarın respublikamıza təhvil verilməsi məsələsi azərbaycanlı həmkarlarla birlikdə həll edilir.
Bölmənin digər xəbərləri
