MOSKVADA KEÇİRİLMİŞ ELMİ KONFRANSDA SOSİAL İSLAHATLARIN HƏYATA KEÇİRİLMƏSİ YOLLARI MÜZAKİRƏ EDİLMİŞDİR
Bu günlərdə Moskvada Rusiya Elmlər Akademiyasının təşəbbüsü ilə əhalinin demoqrafik vəziyyətinə və sosial islahatların aparılmasına həsr olunmuş konfrans keçirilmişdir.
Milli Məclisin iqtisadi siyasət daimi komissiyasının sədr müavini Əli Əlirzayev bu konfransda Azərbaycanda keçid dövrünün problemləri, həyata keçirilən islahatlar, qonşu dövlətlərlə əməkdaşlıq məsələlərinə dair məruzə ilə çıxış etmişdir.
Əli Əlirzayev AZƏRTAC-ın müxbirinə bildirmişdir ki, konfransda çıxış edən Rusiya, Estoniya və digər dövlətlərin alimləri sosial problemlərin həllində təcrübə mübadiləsi, demoqrafik vəziyyətin öyrənilməsi sahəsində qarşılqlı əməkdaşlıq məsələlərinə xüsusi diqqət yetirmişlər. Konfrans iştirakçıları qeyd etmişlər ki, regional münaqişələr aradan qalxmayınca sosial problemlərin həlli də çətinləşəcək və islahatların həyata keçirilməsi mümkün olmayacaqdır.
Bölmənin digər xəbərləri
